តំណាងអគ្គលេខាធិការដ្ឋានក្រុមប្រឹក្សាសកម្មភាពជនពិការចូលរួមក្នុងពិធីបើកសិក្ខាសាលានៅខេត្តសៀមរាប

តំណាងអគ្គលេខាធិការដ្ឋានក្រុមប្រឹក្សាសកម្មភាពជនពិការចូលរួមក្នុងពិធីបើកសិក្ខាសាលានៅខេត្តសៀមរាប

ខេត្តសៀមរាប៖ ថ្ងៃទី៣០ ខែតុលា ឆ្នាំ២០២៥ ឯកឧត្តម ស្រី ចាន់ អគ្គលេខាធិការរង ជាតំណាងឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានចូលរួមជាគណៈអធិបតីបើកក្នុងសិក្ខាសាលាស្តីពី «ការផ្សព្វផ្សាយលើកកម្ពស់ដ៏ទូលំទូលាយអំពីបរិយាបន្នសង្គមដល់ជនងាយរងគ្រោះដែលមានជំងឺផ្លូវចិត្តសង្គម រាយកាយ និងជំងឺរ៉ាំរ៉ៃ និងការលើកកម្ពស់លទ្ធភាពទទួលបានការអប់រំនិងបណ្តុះបណ្តាលវិជ្ជាជីវៈសម្រាប់កុមារនិងមនុស្សវ័យជំទង់ ដើម្បីជួយពួកគេក្នុងការស្វែងរកការងារក្នុងស្រុក ការពារការធ្វើចំណាកស្រុកដែលគ្មានសុវត្ថិភាព និងការកេងប្រវ័ញ្ចកម្លាំងពលកម្ម» នៅសណ្ឋាគាររីជេនស៊ីអង្គរ ខេត្តសៀមរាប។ 

សិក្ខាលានេះរៀបចំឡើងដោយអង្គការការីតាសខេត្តសៀមរាប ដោយមានការចូលរួមពីឯកឧត្តម អ៉ឹម គឹមលាង អភិបាលរងនៃគណៈអភិបាលខេត្តសៀមរាប តំណាងរដ្ឋបាលខេត្ត មន្ទីរសង្គមកិច្ច អតីតយុទ្ធជន និងយុវនីតិសម្បទា មន្ទីរសុខាភិបាល មន្ទីរការងារនិងបណ្តុះបណ្តាលវិជ្ជាជីវៈ មន្ទីរអប់រំ យុវជន និងកីឡា មន្ទីរកសិកម្ម រុក្ខាប្រមាញ់ និងនេសាទ មេឃុំ គ.ក.ន.ក អង្គការពាក់ព័ន្ធ ក្រុមជួយខ្លួនឯង វិស័យឯកជន និងជនមានពិការភាព សរុបប្រមាណ ៤៥នាក់ (ស្រីចំនួន ១៩នាក់ ជនមានពិការភាព ១៤នាក់ ស្រី ៧នាក់)៕