ឯកឧត្តម ឯម ច័ន្ទមករា អគ្គលេខាធិការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការទទួលជួប ប្រធានកម្មវិធីស្តារលទ្ធភាពកាយសម្បទានៃកាកបាទក្រហមអន្តរជាតិ ICRC

ព្រឹកថ្ងៃទី១0 ខែឧសភា ឆ្នាំ២០១៩  នៅអគ្គលេខាធិការដ្ឋានក្រុមប្រឹក្សាសកម្មភាពជនពិការ ឯកឧត្តម ឯម ច័ន្ទមករា អគ្គលេខាធិការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការទទួលជួប ប្រធានកម្មវិធីស្តារលទ្ធភាពកាយសម្បទានៃកាកបាទក្រហមអន្តរជាតិ ICRC លោក Denver Graham ថារាជរដ្ឋាភិបាលបានជួយស្តារលទ្ធភាពការយសម្បទាជនមានពិការភាពច្រើនណាស់ មិនតិចជាង ២០,០០០នាក់ក្នុងមួយឆ្នាំទេ។ លោកបង្ហាញក្តីបារម្ភថា ប្រសិនការផលិតដៃ ជើងអវយវៈសិប្បនិមិត្តនិងរណប មានការយឺតយ៉ាវដោយប្រការណាមួយ នោះជនមានពិការភាពក៏ប្រឈមនឹងបញ្ហាមួយចំនួន។

ក្នុងជំនួយនេះ លោក Denver Graham បានស្នើឲ្យមានការគិតគូរដល់កង្វះមន្ត្រីបម្រើការនៅមជ្ឈមណ្ឌលស្តារលទ្ធភាពពលកម្មកាយសម្បទាទាំង១១ ដែលស្ថិតក្រោមការគ្រប់គ្រងរបស់ក្រសួងសង្គមកិច្ច។ លោកថាបុគ្គលិកជាប់កិច្ចសន្យាមានចំនួនច្រើនជាងមន្ត្រីដែលមានក្របខណ្ឌរដ្ឋ ដែលប្រការនេះលោកមានការព្រួយបារម្ភអំពីនិរន្តភាពនៃដំណើរការនិងការគ្រប់គ្រងរបស់មជ្ឈមណ្ឌលស្តារ។