មន្ត្រីបច្ចេកទេសនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ចូលរួមវគ្គបណ្តុះបណ្តាលស្តីពីការដាក់ពិន្ទុបរិយាបន្នពិការភាព Disability Inclusive Marker

មន្ត្រីបច្ចេកទេសនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ចូលរួមវគ្គបណ្តុះបណ្តាលស្តីពីការដាក់ពិន្ទុបរិយាបន្នពិការភាព Disability Inclusive Marker

ខេត្តព្រះសីហនុ៖ រសៀលថ្ងៃអាទិត្យ ៥កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែតុលា ឆ្នាំ២០២៥ ដោយមានការអនុញ្ញាតពីឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ ឯកឧត្តម វ័ន កុយ អគ្គលេខាធិការរង អញ្ជើញជាគណៈអធិបតី ក្នុងពិធីបើកវគ្គបណ្តុះបណ្តាលស្តីពីការដាក់ពិន្ទុបរិយាបន្នពិការភាព Disability Inclusive Marker ដល់មន្ត្រីបច្ចេកទេសនៃអគ្គលេខាធិការ។ 

វគ្គបណ្តុះបណ្តាលនេះមានការអញ្ជើញចូលរួមពី ឯកឧត្តម វ៉ិត វុទ្ធី អគ្គលេខាធិការក្រុមប្រឹក្សាអភិវឌ្ឍន៍កម្ពុជា និងលោកស្រី មកពី UNICEF ឯកឧត្តម លោកជំទាវអគ្គលេខាធិការរង និងមន្ត្រីបច្ចេកទេសពីក្រុមប្រឹក្សាអភិវឌ្ឍន៍កម្ពុជា សរុប ៥៩នាក់(ស្រី ១៧នាក់ ជនមានពិការភាព ៣នាក់)។ 

វគ្គបណ្តុះបណ្តាលមានគោលបំណង៖
១. បង្ហាញពីគំនិតផ្តួចផ្តើម ១៥សម្រាប់១៥ និងទស្សនៈជាយុទ្ធសាស្ត្រ
២.ផ្តល់អំពីទិដ្ឋភាពទូទៅនៃឧបករណ៍ដាក់ពិន្ទុ បរិយាបន្នពិការភាព និងប្រតិបត្តិការប្រព័ន្ធទិន្នន័យហិរញ្ញប្បទានសហប្រតិបត្តិការអភិវឌ្ឍន៍កម្ពុជា
៣.ធ្វើបច្ចុប្បន្នកម្មអំពីប្រព័ន្ធត្រួតពិនិត្យ និងរាយតម្លៃការអនុវត្ត NDSP3៕

Join Us: https://t.me/DACSGCambodia