ភាសាខ្មែរ
English
ពិធីបើកវគ្គបណ្ដុះបណ្ដាលអនុសញ្ញាស្ដីពីសិទ្ធិជនពិការ ជូនសមាជិកក្រុមប្រឹក្សាសកម្មភាពជនពិការ ខេត្ដកំពត
ចុះផ្សាយ: ថ្ងៃទី11 ខែ12 ឆ្នាំ2025
ពិធីបើកវគ្គបណ្ដុះបណ្ដាលអនុសញ្ញាស្ដីពីសិទ្ធិជនពិការ ជូនសមាជិកក្រុមប្រឹក្សាសកម្មភាពជនពិការ ខេត្ដកំពត ខេត្តកំពត ៖ ព្រឹកថ្ងៃទី១១ ខែធ្នូ ឆ្នាំ២០២៥ ដោយមានការអនុញ្ញាតពីសំណាក់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្តម វ័ន កុយ អគ្គលេខាធិការងនៃក្រុមប្រឹក្សាសកម្មភាពជនពិការ បានចូលជាអធិបតីបើកវគ្គបណ្ដុះបណ្ដាល អនុសញ្ញាស្ដីពីសិទ្ធិជនពិការ ជូនសមាជិក សមាជិកា ក្រុមប្រឹក្សាសកម្មភាពជនពិការ ខេត្តកំពត។ គោលបំណងនៃវគ្គបណ្ដុះបណ្ដាលនេះ គឺ៖ ១. លើកកម្ពស់ការយល់ដឹងរបស់ ក.ស.ជ. ខេត្ត ស្តីពីសិទ្ធិជនមានពិការភាព និងគំរូសិទ្ធិមនុស្សដូចមានចែងក្នុងបទដ្ឋានសិទ្ធិមនុស្សអន្តរជាតិ និងក្របខ័ណ្ឌជាតិ។ ២. សាកល្បង និងកែលម្អសៀវភៅណែនាំ និងកម្មវិធីបណ្តុះបណ្តាល តាមរយៈវគ្គកសាងសមត្ថភាពសម្រាប់ ក.ស.ជ. ខេត្ត លើកកម្ពស់ការផ្តល់សេវាបរិយាបន្ន និងការចូលរួមប្រកបដោយអត្ថន័យរបស់ជនមានពិការភាព។ ៣. ពង្រឹងសមត្ថភាពរបស់ ក.ស.ជ. ក្នុងការសម្របសម្រួល និងគាំទ្រ ក.ស.ជ. ខេត្ត ក្នុងការអនុវត្តការប្តេជ្ញាចិត្តមានចែងក្នុង CRPD នៅថ្នាក់ក្រោមជាតិ ដោយមានការចូលរួមពីជនមានពិការភាព និងអង្គការតំណាងរបស់ពួកគេ។ ពិធីនេះមានការចូលរួមពី ឯកឧត្តម ខាន់ សុខា អភិបាលរងនិងជាអនុប្រធាន ក.ស.ជ ខេត្តកំពត កញ្ញា ដាអ៉ឹន គីម មន្រ្តីសិទ្ធិមនុស្ស នៃការិយាល័យឧត្ដមស្នងការអង្គការសហប្រជាតិទទួលបន្ទុកសិទ្ធិមនុស្ស និងអ្នកពាក់ព័ន្ធ សរុបចំនួន ៤៧ នាក់ (ស្រី ១៣នាក់ មានពិការភាព ៤នាក់ ស្រី ១ នាក់) នៅសណ្ឋាគារកំពតស្វីតប៊ូទិក៕
