អគ្គលេខាធិការ នៃអគ្គលេខាធិកាដ្ឋានក្រុមប្រឹក្សាសកម្មភាពជនពិការ បានអញ្ចើញចូលរួមពិធីបើកសិក្ខាសាលាស្តីពីការលុបបំបាត់រាល់ទម្រង់នៃការរើសអើងចំពោះស្ត្រីដែលមានពិការភាព រៀបចំឡើងដោយក្រុមការងារសកម្មភាពជនពិការនៃក្រសួងកិច្ចការនារី

ការរៀបចំសិក្ខាសាលានាពេលនេះ គឺពិតជាបានបង្ហាញពីការយកចិត្តទុកដាក់របស់ក្រសួងកិច្ចការនារី ពិសេសក្រុមការងារសកម្មភាពជនពិការប្រចាំក្រសួងក្នុងការចូលរួមអនុវត្តឱ្យចេញជាលទ្ធផលផ្លែផ្កានូវផែនការយុទ្ធសាស្ត្រជាតិស្តីពីពិការភាព ២០១៩-២០២៣ ឲ្យខានតែបាន។

ស្ត្រីដែលមានពិការភាពប្រឈមនឹងការលំបាកច្រើនជាង ទាំងក្នុងវិស័យសាធារណៈនិងឯកជន ពិសេសការទទួលបានជម្រកសមរម្យ សេវាសុខភាព ការអប់រំ ការបណ្តុះបណ្តាលវិជ្ជាជីវៈ និងការងារ។ ស្ត្រីមានពិការភាពអាចប្រឈមនឹងភាពមិនស្មើភាពគ្នាក្នុងការទទួលបានការតម្លើងឡើងឋានៈ ការទទួលបាននូវ ឥណទាន កម្ចី និងធនធានផលិតភាពផ្សេងទៀត ពិសេសកម្រនឹងបានចូលរួមក្នុងការសម្រេចចិត្តខាងសេដ្ឋកិច្ចទៀតផង។

ជាការពិតណាស់ រាជរដ្ឋាភិបាលកម្ពុជាកំពុងស្ថិតនៅក្នុងដំណើរការនៃការពង្រឹងផ្នែកដឹកនាំការធ្វើផែនការ និងការសម្របសម្រួលតួនាទីដែលមានសារៈសំខាន់សំដៅធានាការស្តារឡើងវិញនៅមូលដ្ឋានសហគមន៍ប្រកបដោយនិរន្តរភាព ដោយរួមបញ្ចូលនូវការការគាំពារដល់ជនមានពិការភាពផងដែរ៕