អគ្គលេខាធិការដ្ឋានក្រុមប្រឹក្សាសកម្មភាពជនពិការ សហការជាមួយ អង្គការជនពិការអន្តរជាតិ (HI) ក្រោមការឧបត្ថម្ភពីកម្មវិធីសហប្រតិបត្តិការអូស្ត្រាលី-កម្ពុជា

បាត់ដំបង÷ ថ្ងៃអង្គារ-ពុធ ៣-៤រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៣-០៤ ខែវិច្ឆិកា ឆ្នាំ២០២០ អគ្គលេខាធិការដ្ឋានក្រុមប្រឹក្សាសកម្មភាពជនពិការ សហការជាមួយ អង្គការជនពិការអន្តរជាតិ (HI) ក្រោមការឧបត្ថម្ភពីកម្មវិធីសហប្រតិបត្តិការអូស្ត្រាលី-កម្ពុជា ដើម្បីសេវាប្រកបដោយសមធម៌និងនិរន្តរភាពហៅ កាត់ថា ACCESS បានរៀបចំវគ្គបណ្តុះបណ្តាលស្តីពី "ហេដ្ឋារចនាសម្ព័ន្ធរូបវន្តបង្កលក្ខណៈងាយស្រួល” ជូនសមាជិកក្រុមប្រឹក្សាសកម្មភាពជនពិការខេត្តបាត់ដំបង ក្រោមអធិបតីភាព ឯកឧត្តម អ៊ុង សម្បត្តិ អគ្គលេខាធិការរង តំណាងដ៏ខ្ពង់ខ្ពស់ ឯកឧត្តម ឯម ច័ន្ទមករា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គលេខាធិការក្រុមប្រឹក្សាសកម្មភាពជនពិការ៕