ឯកឧត្តម ឯម ច័ន្ទមករា រដ្ឋលេខាក្រសួងសង្គមកិច្ចអតីតយអតីតយនិងយុវនីតិសម្បទា និងជាអគ្គលេខាធិការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ថ្លែងអំណរគុណអភិបាលរាជធានីភ្នំពេញ ដែលបានចែកអំណោយដល់ជនមានពិការភាព ១៣៥នាក់

(ភ្នំពេញ)៖ ឯកឧត្តម ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គលេខាធិការក្រុមប្រឹក្សាជនពិការ បានថ្លែងអំណរគុណចំពោះលោក ឃួង ស្រេង អភិបាលរាជធានីភ្នំពេញ ដែលបានចែកអំណោយរបស់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនដល់ជនមានពិការភាពចំនួន ១៣៥នាក់ ក្នុងថ្ងៃទី១១ ខែឧសភា ឆ្នាំ២០២១នេះ។

ឯកឧត្តម ឯម ច័ន្ទមករា បានថ្លែងថា នាថ្ងៃទី១១នេះ លោកអភិបាល ឃួង ស្រេង បានប្រគល់អំណោយរបស់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនដល់ជនមានពិការភាពចំនួន ១៣៥ នាក់ សម្រាប់ដោះស្រាយការហូបចុកក្នុងពេលបិទខ្ទប់ទប់ស្កាត់ការរីករាលដាលជំងឺកូវីដ១៩។

អំណោយដែលប្រគល់ជូនជនមានពិការភាពទាំង ១៣៥ នាក់នោះ ក្នុងម្នាក់ទទួលបានអង្ករ ២៥គីឡូក្រាម មី ១កេសតូច និងត្រីខ ១០កំប៉ុង។

ជាមួយគ្នានោះ លោកអភិបាលរាជធានីភ្នំពេញ ក៏បានសម្របសម្រួលឱ្យមានការចាក់វ៉ាក់សាំងដល់ជនមានពិការភាព និងអ្នកបម្រើការពាក់ព័ន្ធក្នុងវិស័យពិការភាព សរុបចំនួន ៣៣៤ នាក់ទៀតផងដែរ។

ដោយមើលឃើញអំពីការយកចិត្តទុកដាក់ចំពោះប្រជាពលរដ្ឋ ក៏ដូចជាជនមានពិការភាពយ៉ាងដូច្នេះហើយ លោក ឯម ច័ន្ទមករា ក៏បានសម្ដែងនូវការថ្លែងអំណរគុណជូនចំពោះលោកអភិបាល ឃួង ស្រេង ព្រមទាំងថ្នាក់ដឹកនាំ និងក្រុមការងារទាំងឡាយផងដែរ៕