ដំណឹងដល់ជនមានពិការភាពគ្រប់វ័យទាំងពីរភេទទូទាំងព្រះរាជាណាចក្រកម្ពុជា ឱ្យបានជ្រាបថាកម្មវិធី WHITE CANVAS CAMBODIA 2021

អគ្គលេខាធិការដ្ឋានក្រុមប្រឹក្សាសកម្មភាពជនពិការ មានកិត្តិយសសូមជម្រាបជូនដំណឹងដល់ជនមានពិការភាពគ្រប់វ័យទាំងពីរភេទទូទាំងព្រះរាជាណាចក្រកម្ពុជា ឱ្យបានជ្រាបថាកម្មវិធី WHITE CANVAS CAMBODIA 2021 ដែលរៀបចំការប្រកួតប្រជែងស្នាដៃសិល្បៈអន្តរជាតិផ្នែកគំនូរសម្រាប់បេក្ខជនទូទៅនិងរួមទាំងជនមានពិការភាពផងដែរ ការប្រកួតនេះគឺមាន៣ប្រទេស កម្ពុជា ថៃ និងស្រីលង្ការដែលនៅកម្ពុជាមានការគាំទ្រពីក្រសួងវប្បធម៌និងវិចិត្រសិល្បៈនិងប្រទេសជប៉ុន។ ការប្រកួតប្រជែងនេះ មានគោលបំណងប្រមូលនូវស្នាដៃសិល្បៈរបស់សិល្បករឆ្នើមនិងលេចធ្លោនៅក្នុងប្រទេសនិងតំបន់។

លក្ខខណ្ឌនៃការចូលរួមប្រកួតប្រជែង៖

- ការប្រកួតប្រជែងនឹងបើកចំហសម្រាប់មនុស្សគ្រប់វ័យ ដែលមានបំណងប្រាថ្នាចង់ក្លាយជាសិល្បករអាជីព

- បេក្ខជនដែលមានអាយុ ១៨ឆ្នាំ ឡើងទៅនឹងត្រូវជ្រើសរើសសម្រាប់ការបោះឆ្នោត ចំនួន២០នាក់ និងបេក្ខជនដែលមានអាយុ ១៧ឆ្នាំ ចុះក្រោមជ្រើសរើសសម្រាប់ការបោះឆ្នោត ចំនួន១០នាក់

- មិនកំណត់ប្រធានបទ ស្នាដៃសិល្បៈប្រភេទ 2D ដែលជាស្នាដៃប្រភេទមួយណាក៏បាន (ពណ៌ប្រេង អាគ្រីលីក ពណ៌ទឹក ការបោះពុម្ព, ផាសថែល។ល។) មានទំហំអប្បបរមា 30cm x 30cm អតិបរមា 100cm x 100cm

- សិល្បករអាចដាក់ស្នាដៃចូលរួមប្រកួតបានលើសពីមួយ ប៉ុន្តែសម្រាប់ការបោះឆ្នោតជ្រើសរើសម្ចាស់ជ័យលាភីគឺបានតែមួយប៉ុណ្ណោះ

- ស្នាដៃដែលត្រូវបានជ្រើសរើស នឹងដាក់តាំងបង្ហាញនៅលើប្រព័ន្ធអ៊ិនធឺណេត White Canvas Website

- ការទទួលពាក្យចុះឈ្មោះ ចាប់ពីថ្ងៃជូនដំណឹង ដល់ថ្ងៃទី៥ ខែកញ្ញា ឆ្នាំ២០២១ តាមរយៈ Link https://forms.gle/rCbK7Rcxb1VTJC7X9

- លទ្ធផលនឹងត្រូវប្រកាសនៅខែវិច្ឆិកា ឆ្នាំ២០២១។