រក្សាទំនាក់ទំនង:
ទំព័រដើម ឱកាសការងារ ទំនាក់ទំនង កម្រងសេវាកម្ម Android CDN App IOS CDN App
ភាសាខ្មែរ English
​​
ព័ត៌មាន
ព័ត៌មានពាក់ព័ន្ធ
ជនមានពិការភាពនឹងទទួលបានផលប្រយោជន៍បន្ថែមពីច្បាប់ស្តីពីសិទ្ធិអ្នកនិពន្ធនិងសិទ្ធិប្រហាក់ប្រហែល
ចុះផ្សាយ: ថ្ងៃទី26 ខែ12 ឆ្នាំ2022
ឯកឧត្តម ឯម ច័ន្ទមករា លើកឡើងពីកង្វះគ្រូជំនាញផ្នែកស្តារលទ្ធភាពពលកម្មកាយសម្បទាសម្រាប់ជនមានពិការភាព
ចុះផ្សាយ: ថ្ងៃទី13 ខែ12 ឆ្នាំ2022
ឯកឧត្តម ឯម ច័ន្ទមករា៖ ក្រសួងសង្គមកិច្ចបេ្តជ្ញាចិត្តក្នុងការធានាថាស្ត្រី និងកុមារីមានពិការភាពទទួលបានសិទ្ធិ ឱកាសស្មើភាព និងការការពារ
ចុះផ្សាយ: ថ្ងៃទី23 ខែ11 ឆ្នាំ2022
យុវជនមានពិការភាពកម្ពុជាចំនួន ៤នាក់បានឡើងដល់វគ្គផ្ដាច់ព្រ័ត្រនៃការប្រកួតជាសកលផ្នែកព័ត៌មានវិទ្យា
ចុះផ្សាយ: ថ្ងៃទី15 ខែ11 ឆ្នាំ2022
ឯកឧត្តម ឯម ច័ន្ទមករា អរគុណរដ្ឋាភិបាលអូស្រ្តាលីក្នុងការរួមចំណែកលើកកម្ពស់វិស័យជនមានពិការភាពនៅកម្ពុជា
ចុះផ្សាយ: ថ្ងៃទី28 ខែ10 ឆ្នាំ2022
Find us on Facebook
ចំនួនអ្នកចូលទស្សនា

អគ្គលេខាធិការក្រុមប្រឹក្សាសកម្មភាពជនពិការអំពាវនាវឲ្យលើកទឹកចិត្តការផ្ដល់ឋានៈតួនាទីដល់មន្ត្រីមានពិការភាព

ចុះផ្សាយ: ថ្ងៃទី28 ខែ11 ឆ្នាំ2022

ភ្នំពេញ៖ រដ្ឋលេខាធិការ និងជាអគ្គលេខាធិការក្រុមប្រឹក្សាសកម្មភាពជនពិការ ឯកឧត្តម ឯម ច័ន្ទមករា បានជំរុញឱ្យមានការគិតគូរបន្ថែមទៀតក្នុងការជ្រើសរើសជនមានពិការភាពចូលធ្វើការក្នុងស្ថាប័នរដ្ឋ និងឯកជន ខណៈគួរគិតគូរផ្ដល់ឋានៈតួនាទីដល់មន្ត្រីពិការភាពដែលមានសមត្ថភាពផងដែរ។

ថ្លែងក្នុងសិក្ខាសាលាថ្នាក់ជាតិឆ្លុះបញ្ចាំងវឌ្ឍនភាពនៃការអនុវត្តផែនការយុទ្ធសាស្ត្រជាតិស្ដីពីពិការភាព ២០១៩-២០២៣ ឯកឧត្តម ឯម ច័ន្ទមករា បានលើកឡើងថា បើទោះបីជាវិបត្តិកូវីដ-១៩ កំពុងធូរស្រាលខ្លះក្ដី តែស្ថានភាព និងការវិវឌ្ឍនផ្នែកពិការភាពនៅតែមានភាពផុយស្រួយនិងងាយរងវិបត្តិថ្មីៗ និងប្រឈមនឹងបញ្ហាស្មុគស្មាញកើតឡើងជាបន្តបន្ទាប់ទាំងក្នុងទិដ្ឋភាពសេដ្ឋកិច្ច សង្គម បរិស្ថាន និងភូមិសាស្ត្រនយោបាយ។

ឯកឧត្តមបានជំរុញដល់សមាជិកក្រុមប្រឹក្សាសកម្មភាពជនពិការ បន្តប្រកាន់ខ្ជាប់នូវកិច្ចសហប្រតិបត្តិការនានាតាមគ្រប់រូបភាព គ្រប់វិស័យ ក្នុងទិសដៅដាក់បញ្ចូលវិស័យពិការភាពទៅក្នុងសកម្មភាពនានារបស់ក្រសួងស្ថាប័ន និងថ្នាក់ក្រោមជាតិដែលមានលក្ខណៈបើកចំហរនិងបរិយាបន្ន។ បន្ថែមលើនេះគឺត្រូវធ្វើឱ្យកាន់តែប្រសើរ ថែមទៀតនូវការលើកទឹកចិត្តដល់ជនមានពិការភាពចូលបម្រើការងារតាមក្រសួងស្ថាប័នរដ្ឋ និងឯកជន ពិសេសការគិតគូរផ្តល់ឋានៈតួនាទីដល់មន្ត្រីមានពិការភាពដែលមានសមត្ថភាពឱ្យទទួលបានការលើកតម្កើងតាមតែអាចធ្វើទៅបាន និងឆ្លើយតបប្រកបដោយប្រសិទ្ធភាពចំពោះការអនុវត្តផែនការយុទ្ធសាស្ត្រជាតិស្តីពីពិការភាព។

ឯកឧត្តមបញ្ជាក់ថា៖ «វិស័យពិការភាពគឺជាពហុវិស័យដែលមិនអាចខ្វះបានក្នុងការចូលរួមចំណែករបស់ក្រសួងស្ថាប័នពាក់ព័ន្ធ ដៃគូរអភិវឌ្ឍន៍ វិស័យឯកជន សង្គមស៊ីវិល ក្នុងការជំរុញឱ្យកាន់តែខ្លាំងក្លាថែមទៀត ដើម្បីអភិវឌ្ឍវិស័យពិការភាពប្រកបដោយបរិយាបន្ន»

ក្នុងឱកាសនេះលោករដ្ឋលេខាធិការក៏បានស្នើសុំឱ្យមានការគិតពិចារណា ជំរុញសកម្មភាពសេដ្ឋកិច្ច ពាណិជ្ជកម្ម និងការវិនិយោគក្នុងវិស័យពិការភាព ជាពិសេសការជំរុញការវិនិយោគផ្ទាល់ពីវិស័យឯកជនបន្ថែមទៀត ក៏ដូចជាការទាញផលប្រយោជន៍ជាអតិបរមាពីកម្មវិធីនានា។ ជាងនេះទៅទៀត ចាំបាច់ត្រូវពង្រឹងយន្តការសម្របសម្រួលវិស័យពិការភាពទាំងថ្នាក់ជាតិ និងថ្នាក់ក្រោមជាតិសម្រាប់កិច្ចសហប្រតិបត្តិការឱ្យកាន់តែល្អប្រសើរឡើង ដើម្បីគ្រប់គ្រងបាននូវរាល់បញ្ហាដែលជនមានពិការភាពជួបប្រទះតាមតែអាចធ្វើទៅបានផងដែរ។

នៅក្នុងឆ្នាំ២០២២ នេះចំនួនជនមានពិការភាពដែលបម្រើការក្នុងវិស័យសាធារណៈដែលប្រមូលបានពី ៣៧ក្រសួង ស្ថាប័នរដ្ឋមានចំនួន ៣ ៧៤៨នាក់ ក្នុងនោះស្រ្តីមានពិការភាពចំនួន ៨៦២នាក់ កើនឡើងជាង ២ភាគរយបើធៀបនឹងឆ្នាំ២០២១ ខណៈវិស័យឯកជនបានទទួលជនមានពិការភាពឱ្យចូលធ្វើការមានចំនួន ៥ ៨៣៩នាក់ ក្នុងនោះស្រ្តីចំនួន ៣ ៨៣៦៕

 

ដៃគូរបស់យើង