ថ្នាក់ដឹកនាំនិងមន្រ្តីរាជការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ចូលរួមក្នុងពិធីហែរក្បួន និងដង្ហែរធម្មយាត្រាគាំទ្របទឈប់បាញ់រវាងកងទ័ពកម្ពុជានិងកងទ័ពថៃ

ថ្នាក់ដឹកនាំនិងមន្រ្តីរាជការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ចូលរួមក្នុងពិធីហែរក្បួន និងដង្ហែរធម្មយាត្រាគាំទ្របទឈប់បាញ់រវាងកងទ័ពកម្ពុជានិងកងទ័ពថៃ

ស្រុកពាមជរ÷ នៅព្រឹកថ្ងៃសៅរ៍ ទី៣០ ខែសីហា ឆ្នាំ២០២៥ ថ្នាក់ដឹកនាំនិងមន្រ្តីរាជការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ចូលរួមក្នុងពិធីហែរក្បួន ថ្មើរជើងដើម្បីសន្តិភាព PEACE WALK និងដង្ហែរធម្មយាត្រាគាំទ្របទឈប់បាញ់រវាងកងទ័ពកម្ពុជានិងកងទ័ពថៃ ក្រោមទិសស្លោក «អរគុណសន្តិភាព កម្ពុជាត្រូវការសន្តិភាព» នៅស្រុកពាមជរ ខេត្តព្រៃវែង។

ពិធីនេះមានការចូលជាអធិបតីពីសំណាក់ ឯកឧត្តម ម៉េត មករា រដ្ឋលេខាធិការនិងជាតំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមការងារចុះជួយមូលដ្ឋានស្រុកពាមជរ ខេត្តព្រៃវែង និងមានការចូលរួមពីសំណាក់ព្រះសង្ឃ ថ្នាក់ដឹកនាំនិងមន្ត្រីរាជការក្រសួងសង្គមកិច្ច លោកគ្រូ អ្នកគ្រូ សិក្សានុសិស្ស បងប្អូនប្រជាពលរដ្ឋ ជនមានពិការភាព និងអ្នកពាក់ព័ន្ធ សរុបប្រមាណ ៧ ១៣៧អង្គ/នាក់។

ក្បួនដង្ហែរធម្មយាត្រានេះមានគោលបំណងគាំទ្របទឈប់បាញ់រវាងកងទ័ពកម្ពុជានិងកងទ័ពថៃ ដោយមានការច្រៀងរួមគ្នានូវបទ ពង្សាវតារខ្មែរ! ដែនដីខ្មែរ! គន់មើលទៅមេឃ! អមដោយការស្រែក «អរគុណសន្តិភាព! កម្ពុជាត្រូវការសន្តិភាព យើងជឿជាក់លើរដ្ឋាភិបាលកម្ពុជា! ជយោ ព្រះរាជាណាចក្រកម្ពុជា! ជយោ សម្តេចតេជោ! ជយោ សម្តេចធិបតី!...!» ជាពិសេស គឺទាមទារឱ្យមានការដោះលែងកងទ័ពទាំង ១៨រូប ដោយគ្មានលក្ខខណ្ឌ៕