ពិធីសំណេះសំណាលជាមួយមន្ត្រីរាជការជាជនពិការ ដើម្បីអបអរសាទរទិវាជនពិការកម្ពុជាលើកទី១៧ និងទិវាជនពិការអន្តរជាតិលើកទី ៣៣

ព្រឹកថ្ងៃទី៨ ខែធ្នូ ឆ្នាំ ២០១៥ នេះ ទីស្តីការគណៈរដ្ឋមន្ត្រីបានរៀបចំពិធីសំណេះសំណាលជាមួយមន្ត្រីរាជការជាជនពិការ ដើម្បីអបអរសាទរទិវាជនពិការកម្ពុជាលើកទី១៧ និងទិវាជនពិការអន្តរជាតិលើកទី ៣៣ ក្រោមអធិបតីភាពឯកឧត្តម កែវ រ៉េមី រដ្ឋលេខាធិការ នៃទីស្តីការគណៈរដ្ឋមន្ត្រី ប្រធានក្រុមការងារសកម្មភាពជនពិការ ជាតំណាងដ៏ខ្ពង់ខ្ពស់ឯកឧត្តមបណ្ឌិតសុភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានកិត្តិយសក្រុមការងារសកម្មភាពជនពិការនៃទីស្តីការគណៈរដ្ឋមន្ត្រី។

ពិធីនេះក៏មានការចូលរួមពីមន្ត្រីនៃទីស្តីការគណៈរដ្ឋមន្ត្រីយ៉ាងច្រើនកុះករ។ ក្នុងឱកាសនោះឯកឧត្តម កែវ រ៉េមី បាននាំយកថវិការបស់ឯកឧត្តមបណ្ឌិតសុភាចារ្យ សុខ អាន ឧបត្ថម្ភដល់មន្ត្រីដែលជាជនពិការចំនួន ៣៦នាក់ ក្នុងម្នាក់ៗទទួលបានថវិកាចំនួន ៥០មុឺនរៀល។