ពិធីសំណេះសំណាលជាមួយបងប្អូនកម្មករនិយោជិត
ចុះផ្សាយ: ថ្ងៃទី09 ខែ09 ឆ្នាំ2023
នៅព្រឹកថ្ងៃសៅរ៍ ទី៩ ខែកញ្ញានេះ ឯកឧត្តម ឯម ច័ន្ទមករា បានអញ្ជើញចូលរួមជាតំណាងរបស់ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ក្នុងពិធីសំណេះសំណាលជាមួយបងប្អូនកម្មករនិយោជិត ស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសជួបជាមួយកម្មករនិយោជិតចំនួន១៨ ២៦៥នាក់ មកពីរោងចក្រ សហគ្រាសចំនួន ១៤។
ចំពោះប្រសាសន៍របស់សម្តេចធិបតីនាយករដ្ឋមន្ត្រីពាក់ព័ន្ធក្រសួងសង្គមកិច្ចគឺ៖ ចំនុចទី១-ជំរុញការអនុវត្តឱ្យមានប្រសិទ្ធិភាពនៃកម្មវិធីជំនួយសង្គម ដោយធានាការបើកផ្តល់ប្រាក់ជូនស្ត្រីមានផ្ទៃពោះនិងកុមារអាយុក្រោម២ឆ្នាំទាន់ពេលវេលា។ ចំនុចទី២-រាជរដ្ឋាភិបាលនឹងធ្វើការកែសម្រួលសមាសភាពនៃគណៈកម្មាធិការប្រយុទ្ធប្រឆាំងនឹងគ្រឿងញៀន ដែលនឹងមានសមាសភាពឯកឧត្តមរដ្ឋមន្ត្រីក្រសួងសង្គមកិច្ចជាសមាជិក។