តំណាងអគ្គលេខាធិការដ្ឋានក្រុមប្រឹក្សាសកម្មភាពជនពិការ ចូលរួមសិក្ខាសាលាផ្សព្វផ្សាយស្តីពីមគ្គទេសក៍ណែនាំពីបរិយាបន្នពិការភាពនៅក្នុងសេវារថយន្តក្រុងសាធារណៈ

ពិធីនេះប្រារព្វឡើងក្នុងគោលបំណងដើម្បីបញ្រ្ជាបចំណេះដឹងអំពីបរិយាបន្នពិការភាព នៅក្នុងសេវារថយន្តក្រុងសាធារណៈ និងផ្សព្វផ្សាយប្រកាសលេខ១៨៨ និង១៨៩ ប្រក. សក.ដជគ ចុះថ្ងៃទី១៣ ខែធ្នូ ឆ្នាំ២០២៤ របស់ក្រសួងសាធារណការ និងដឹកជញ្ជូន ជូនដល់មន្ត្រីជំនាញនៅថ្នាក់ជាតិ ថ្នាក់ក្រោមជាតិ និងអង្គភាពពាក់ព័ន្ធ រួមទាំងប្រតិបត្តិករកំពុងធ្វើអាជីវកម្មដឹកជញ្ជូនផ្លូវគោក ក្រោមអធិបតីភាព ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងអ្នកពាក់ព័ន្ធសរុបចំនួន ២០០នាក់ នៅសាលសហសិក្សា ទីស្តីការក្រសួងសាធារណការ និងដឹកជញ្ជូន។