សិក្ខាសាលាស្តីពីការផ្សព្វផ្សាយការអនុវត្តអនុសញ្ញាស្តីពីសិទ្ធិជនពិការនៅខេត្តប៉ៃលិន

ព្រឹកថ្ងៃទី២៥ ខែកុម្ភៈ នេះឯកឧត្តម ឯម ច័ន្ទមករា អគ្គលេខាធិការក្រុមប្រឹក្សាសកម្មភាពជនពិការបានអញ្ចើញចូលរួមពិធីបើកសិក្ខាសាលាស្តីពីការផ្សព្វផ្សាយការអនុវត្តអនុសញ្ញាស្តីពីសិទ្ធិជនពិការ ដោយមានការចូលរួមពីសំណាក់ឯកឧត្តម ជិន ម៉ាលីន អនុរដ្ឋលេខាធិការក្រសួងយុត្តិធម៌ និងជាប្រធានសមាគមអតីតកម្មសិក្សាការី JICA កម្ពុជា និងឯកឧត្តម មុី មគ្គ អភិបាលរងនៃគណៈអភិបាល និងជាប្រធានក្រុមប្រឹក្សាសកម្មភាពជនពិការខេត្តប៉ៃលិន។

សិក្ខាសាលានេះ រៀបចំឡើងរយៈពេលមួយថ្ងៃ ដោយមានសិក្ខាកាម ចូលរួម៩០រូប ជាសមាជិក សមាជិកាក្រុមប្រឹក្សាសកម្មភាព ជនពិការខេត្តប៉ៃលិន តំណាងអង្គការមិនមែនរដ្ឋាភិបាលពាក់ព័ន្ធវិស័យពិការភាព ក្នុងខេត្តតំណាងសហគមន៍ជនពិការ និងជនពិការ ក្នុងគោលបំណងដើម្បី ផ្សព្វផ្សាយនិងបញ្ជ្រាបការយល់ដឹង អំពីការអនុវត្តអនុសញ្ញាស្តីពីសិទ្ធិជនពិការ ដើម្បីមានភាពងាយស្រួលក្នុងការផ្តល់សេវា ក៏ដូចជាបំពេញនូវតម្រូវការរបស់ជនពិការឲ្យឆ្លើយតបទៅនឹងអនុសញ្ញាខាងលើនេះ។