កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងរ៉ែ និងថាមពល

កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងរ៉ែ និងថាមពល

ទីស្តីការក្រសួងរ៉ែ និងថាមពល ៖ ថ្ងៃព្រហស្បតិ៍ ទី២០ ខែវិច្ឆិកា ឆ្នាំ២០២៥ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្តម ស្រី ចាន់ អគ្គលេខាធិការរងនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ បានអញ្ជើញជាគណៈអធិបតីក្នុងកិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងរ៉ែ និងថាមពល និងអ្នកពាក់ព័ន្ធ។
ពិធីនេះមានការចូលរួមជាគណៈអធិបតីពីសំណាក់ ឯកឧត្តម សុះ ណូរុន អនុរដ្ឋលេខាធិការនិងជាប្រធានក្រុមការងារសកម្មភាពជនពិការក្រសួងរ៉ែ និងថាមពល ឯកឧត្តម លោក លោកស្រី សមាជិក សមាជិកាក្រុមការងារសកម្មភាពជនពិការក្រសួងរ៉ែ និងថាមពលថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ និងតំណាងកម្មវិធីអភិវឌ្ឍន៍សហប្រជាតិ (UNDP) សរុបចំនួន ១៦នាក់ (ស្រី ២នាក់ មានពិការភាព ២នាក់) នៅសាលប្រជុំក្រសួង។
សូចនាករដែលពាក់ព័ន្ធនឹងក្រសួងរ៉ែ និងថាមពល ក្នុងផែនការយុទ្ធសាស្រ្តជាតិស្តីពីពិការភាពឆ្នាំ២០២៤-២០២៨ មានដូចជា៖ 
១-ចំនួនជនមានពិការភាព ដែលជាមន្រ្តីរាជការស៊ីវិលនិងមន្រ្តីជាប់កិច្ចសន្យាស្ថិតក្រោមច្បាប់ស្តីពីសហលក្ខន្តិកៈមន្រ្តីរាជការស៊ីវិល
២-ចំនួនយុទ្ធសាស្រ្តឬសកម្មភាពពាក់ព័ន្ធនិងពិការភាពនៅក្នុងផែនការរបស់ស្ថាប័ន
៣-ចំនួន ថវិការដ្ឋសម្រាប់ការងារពិការភាពក្នុងស្ថាប័ន
៤-ចំនួនកញ្ចប់ថវិកាគ្រោងសម្រាប់ការងារពិការភាពក្នុងស្ថាប័ន
៥-ចំនួនមន្ត្រីរាជការនៅក្នុងស្ថាប័នបានចូលរួមវគ្គបណ្តុះបណ្តាលពាក់ព័ន្ធពិការភាព

Join Us: https://t.me/DACSGCambodia