ឯកឧត្តម ឯម ច័ន្ទមករា ៖ យើងត្រូវមានទស្សនវិស័យឱ្យវែងឆ្ងាយអំពីវិស័យពិការភាពដើម្បីឈានទៅសម្រេចបាននូវគោលដៅដែលបានគ្រោងទុក

ឯកឧត្តម ឯម ច័ន្ទមករា ៖ យើងត្រូវមានទស្សនវិស័យឱ្យវែងឆ្ងាយអំពីវិស័យពិការភាពដើម្បីឈានទៅសម្រេចបាននូវគោលដៅដែលបានគ្រោងទុក 

សៀមរាប ៖ ព្រឹកថ្ងៃពុធ ៦កើត ខែផល្គុន ឆ្នាំជូត ទោស័កព.ស ២៥៦៤ ត្រូវនឹងថ្ងៃទី១៧ ខែកុម្ភៈ ឆ្នាំ២០២១ ឯកឧត្តម ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គលេខាធិការក្រុមប្រឹក្សាសកម្មភាពជនពិការ បានអញ្ជើញចូលរួមជាអធិបតីក្នុងពិធីបើកសិក្ខាសាលារៀបចំផែនការយុទ្ធសាស្ត្ររយៈពេលវែងរបស់អគ្គលេខាធិការដ្ឋានក្រុមប្រឹក្សាសកម្មភាពជនពិការ។ ថ្លែងទៅកាន់មន្ត្រីរាជការក្រោមឱកាសរបស់អគ្គលេខាធិការដ្ឋានក្រុមប្រឹក្សាសកម្មភាពជនពិការ ឯកឧត្តម ឯម ច័ន្ទមករា ថា ក្នុងនាមជាសេនាធិការរបស់រាជរដ្ឋាភិបាល មន្ត្រីទាំងអស់គ្នាត្រូវធ្វើយ៉ាងណាឱ្យជនមានពិការភាពទទួលបានផលប្រយោជន៍ពីរដ្ឋាភិបាលហើយប្រែក្លាយទៅជាធនធានមនុស្សដ៏សំខាន់របស់ប្រទេសជាតិ។