ក្រុមប្រឹក្សាសកម្មភាពជនពិការ រៀបចំ "សិក្ខាសាលាពិគ្រោះយោបល់លើកម្មវិធីលើកកម្ពស់បរិយាបន្នពិការភាព" នៅខេត្តកំពង់ចាម

ក្រុមប្រឹក្សាសកម្មភាពជនពិការ រៀបចំ "សិក្ខាសាលាពិគ្រោះយោបល់លើកម្មវិធីលើកកម្ពស់បរិយាបន្នពិការភាព" នៅខេត្តកំពង់ចាម

ខេត្តកំពង់ចាម៖ ថ្ងៃចន្ទ ទី២២ ខែធ្នូ ឆ្នាំ២០២៥ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្តម អ៊ុង សម្បត្តិ អគ្គលេខាធិការ និងជាសមាជិក អចិន្រ្តៃយ៍ក្រុមប្រឹក្សាសកម្មភាពជនពិការ បានអញ្ជើញជាអធិបតីក្នុងពិធីបើក "សិក្ខាសាលាពិគ្រោះយោបល់លើកម្មវិធីលើកកម្ពស់បរិយាបន្នពិការភាព" នៅសណ្ឋាគារភ្នំប្រុស ខេត្តកំពង់ចាម។

សិក្ខាសាលានេះសហការរៀបចំដោយអគ្គលេខាធិការក្រុមប្រឹក្សាសកម្មភាពជនពិការ និងកម្មវិធីអភិវឌ្ឍន៍សហប្រជាជាតិ ដែលគាំទ្រដោយមូលនិធិពិការភាពសកល ដោយមានការចូលរួមពីថ្នាក់ដឹកនាំ មន្ដ្រីរាជការ នៃអគ្គលេខាធិការក្រុមប្រឹក្សាសកម្មភាពជនពិការ ប្រធានមន្ទីរសង្គមកិច្ចខេត្តកំពង់ចាម កម្មវិធីអភិវឌ្ឍន៍សហប្រជាជាតិ អង្គការតំណាងជនមានពិការភាព អង្គការវេទិការស្ដ្រីនិងកុមារពិការ អង្គការមិនមែនរដ្ឋាភិបាល សរុប ប្រមាណ ៦៩នាក់ (ស្រី ២៣នាក់ មានពិការភាព ២៧នាក់ ១៤ស្រីនាក់)។

សិក្ខាសាលានេះមានគោលបំណងដូចខាងក្រោម៖
១.បង្ហាញពីលទ្ធផលនៃកម្មវិធីរួមគ្នាស្តីពីការពន្លឿនសិទ្ធិជនមានពិការភាពនៅកម្ពុជាឆ្នាំ២០២២-២០២៥
២.បង្ហាញពីលទ្ធផលនៃការរកឃើញលើការងារជាអទិភាពស្តីពីបរិយាបន្ពិការភាពសម្រាប់ឆ្នាំ ២០២៦-២០២៨
៣.ប្រមូលធាតុចូលនិងអនុសាសន៍លើយុទ្ធសាស្រ្តការងារជាអទិភាពបរិយាបន្ពពិការភាព ២០២៦-២០២៨
៤.កសាងផែនការសកម្មភាពជា អទិភាពប្រចាំឆ្នាំ២០២៦ របស់អគ្គលេខាធិការដ្ឋានក្រុមប្រឹក្សាសកម្មភាពជនពិការ៕