ភាសាខ្មែរ
English
កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាព ឆ្នាំ២០២៤-២០២៨ ជូនសមាជិក សមាជិកា ក្រុមការងារ សកម្មភាពជនពិការក្រសួងធនធានទឹក និងឧតុនិយម។
ចុះផ្សាយ: ថ្ងៃទី26 ខែ12 ឆ្នាំ2025
កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាព ឆ្នាំ២០២៤-២០២៨ ជូនសមាជិក សមាជិកា ក្រុមការងារ សកម្មភាពជនពិការក្រសួងធនធានទឹក និងឧតុនិយម។ ទីស្តីការក្រសួងធនធានទឹក និងឧតុ និយម ៖ ថ្ងៃសុក្រ ទី២៦ ខែធ្នូ ឆ្នាំ ២០២៥ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានចាត់តាំង ឯកឧត្តម នេត អ៊ុន អគ្គលេខាធិការរង នៃអគ្គលេខាធិ ការដ្ឋានក្រុមប្រឹក្សាសកម្មភាពជនពិការ អញ្ជើញជាគណៈអធិបតីក្នុងកិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមា ជិក សមាជិកា ក្រុមការងារសកម្មភាពជនពិការក្រសួងធនធានទឹក និងឧតុ និយម និងអ្នកពាក់ព័ន្ធ។ ពិធីនេះមានការចូលរួមជាគណៈអធិបតីពីសំណាក់លោក ជំទាវ វ៉ាន់ ចាន់ថូ អនុរដ្ឋលេខាធិការ និងជាប្រធានក្រុមការងារសកម្មភាពជនពិការក្រសួងធនធានទឹក និងឧតុនិយម។ លោកជំទាវ ឯកឧត្តម លោក លោកស្រី សមាជិក សមាជិកាក្រុមការងារ សកម្ម ភាពជនពិការក្រសួងធនធានទឹក និង ឧតុនិយម ថ្នាក់ដឹកនាំ និងមន្ត្រីរាជការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការសរុបចំនួន ២៦នាក់ (ស្រី ៨នាក់ មានពិការភាព ១នាក់) នៅក្រសួងធនធានទឹក និងឧតុនិយម។ សូចនាករដែលពាក់ព័ន្ធនឹងក្រសួងធន ធានទឹក និងឧតុនិយម ក្នុងផែនការយុទ្ធសាស្ត្រជាតិស្តីពីពិការភាពឆ្នាំ ២០២៤-២០២៨ មានដូចជា៖ ១. ចំនួនជនមានពិការភាពដែលជាមន្ត្រីរាជការស៊ីវិល និងមន្ត្រីជាប់កិច្ចសន្យាស្ថិតក្រោមច្បាប់ស្តីពីសហលក្ខន្តិកៈមន្ត្រីរាជការស៊ីវិល ២. ចំនួនយុទ្ធសាស្ត្រ ឬសកម្មភាពពាក់ ព័ន្ធនឹងពិការភាពនៅក្នុងផែនការរបស់ស្ថាប័ន ៣. ចំនួនថវិការដ្ឋសម្រាប់ការងារពិការ ភាពក្នុងស្ថាប័ន ៤. ចំនួនកញ្ចប់ថវិកាគ្រោងសម្រាប់ការងារពិការភាពក្នុងស្ថាប័ន ៥. ចំនួនមន្ត្រីរាជការនៅក្នុងស្ថាប័នបានចូលរួមវគ្គបណ្តុះបណ្តាលពាក់ព័ន្ធពិការ ភាព។
