កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងមុខងារសាធារណៈ

កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងមុខងារសាធារណៈ

ទីស្តីការក្រសួងមុខងារសាធារណៈ ៖ ថ្ងៃព្រហស្បតិ៍ ទី២០ ខែវិច្ឆិកា ឆ្នាំ២០២៥ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្តម វ័ន កុយ អគ្គលេខាធិការរង តំណាងដ៏ខ្ពង់ខ្ពស់ ឯកឧត្តម អ៊ុង សម្បត្តិ អគ្គលេខាធិការ និងជាសមាជិកអចិន្ត្រៃយ៍ក្រុមប្រឹក្សាសកម្មភាពជនពិការ បានអញ្ជើញជាគណៈអធិបតីក្នុងកិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងមុខងារសាធារណៈ និងអ្នកពាក់ព័ន្ធ។

ពិធីនេះមានការចូលរួមជាគណៈអធិបតីពីសំណាក់ លោកជំទាវ សៅ សុគន្ធារី រដ្ឋលេខាធិការនិងជាប្រធានក្រុមការងារសកម្មភាពជនពិការក្រសួងមុខងារសាធារណៈ ឯកឧត្តម លោក លោកស្រី សមាជិក សមាជិកាក្រុមការងារសកម្មភាពជនពិការក្រសួងមុខងារសាធារណៈ ថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ សរុបចំនួន ២០នាក់ (ស្រី ៩នាក់) នៅសាលប្រជុំបន្ទប់នាងអំ ទីស្តីការក្រសួងមុខងារសាធារណៈ។

សូចនាករដែលពាក់ព័ន្ធនឹងក្រសួងមុខងារសាធារណៈ ក្នុងផែនការយុទ្ធសាស្រ្តជាតិស្តីពីពិការភាពឆ្នាំ២០២៤-២០២៨ មានដូចជា៖ 
១. ចំនួនជនមានពិការភាពដែលជាមន្រ្តីរាជការស៊ីវិលនិងមន្រ្តីជាប់កិច្ចសន្យាស្ថិតក្រោមច្បាប់ស្តីពីសហលក្ខន្តិកមន្រ្តីរាជការស៊ីវិល
២. ចំនួនសរុបអគារដែលផ្តល់សេវាសាធារណៈរបស់រដ្ឋបាលថ្នាក់ក្រោមជាតិ ដែលបានរៀបចំផាសុកវត្ថុ
៣. ទំហំកញ្ចប់ថវិកាប្រចាំឆ្នាំដែលបានគ្រោងសម្រាប់បរិយាបន្នពិការភាព
៤. ទំហំកញ្ចប់ថវិកាដែលបានចំណាយជាក់ស្តែងប្រចាំឆ្នាំសម្រាប់បរិយាបន្នពិការភាព ត្រូវបានផ្សព្វផ្សាយនិងជំរុញឱ្យអនុវត្តតាមរយៈក្រុមការងារសកម្មភាពជនពិការរបស់ក្រសួងមុខងារសាធារណៈ៕

Join Us: https://t.me/DACSGCambodia