ភាសាខ្មែរ
English
សិក្ខាសាលាផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមប្រឹក្សាសកម្មភាពជនពិការរាជធានីភ្នំពេញ
ចុះផ្សាយ: ថ្ងៃទី06 ខែ10 ឆ្នាំ2025
សិក្ខាសាលាផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមប្រឹក្សាសកម្មភាពជនពិការរាជធានីភ្នំពេញ សាលារាជធានីភ្នំពេញ៖ ថ្ងៃចន្ទ ៦កើត ខែអស្សុជ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៦ ខែតុលា ឆ្នាំ២០២៥ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្តម អ៊ុង សម្បត្តិ អគ្គលេខាធិការ និងជាសមាជិកអចិន្រ្តៃយ៍ក្រុមប្រឹក្សាសកម្មភាពជនពិការ បានអញ្ជើញជាគណៈអធិបតីក្នុងសិក្ខាសាលាផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមប្រឹក្សាសកម្មភាពជនពិការរដ្ឋបាលរាជធានីភ្នំពេញ និងអ្នកពាក់ព័ន្ធ។ ពិធីនេះ មានការចូលរួមជាគណៈអធិបតីពីសំណាក់ លោកជំទាវ តិមា វិច្ឆិកាល អភិបាលរងនៃគណៈអភិបាលរាជធានីភ្នំពេញ លោកស្រី មាស រត្ថា ប្រធានផ្នែករដ្ឋបាលនិងហិរញ្ញវត្ថុ លោក លោកស្រីជាអនុប្រធាន សមាជិក សមាជិកាក្រុមប្រឹក្សាសកម្មភាពជនពិការរដ្ឋបាលរាជធានីភ្នំពេញ អភិបាលរងខណ្ឌទាំង១៤ ចៅសង្កាត់ទាំង១០៥ គណៈកម្មការកិច្ចការនារីនិងកុមារ (គ.ក.ន.ក.) និងអ្នកពាក់ព័ន្ធសរុបចំនួន ២០៥នាក់ (ស្រី ១០៧នាក់ ជនមានពិការភាព ៣នាក់ ស្រី ១នាក់) នៅរដ្ឋបាលរាជធានីភ្នំពេញ។ ពិធីនេះ ទទួលបានការគាំទ្រពីកម្មវិធីអភិវឌ្ឍអង្គការសហប្រជាជាតិ (UNDP)។ សូចនាករដែលពាក់ព័ន្ធតាមវិស័យនានាដែលបានកំណត់នៅក្នុងផែនការយុទ្ធសាស្រ្តជាតិស្តីពីពិការភាពឆ្នាំ២០២៤-២០២៨ មានដូចជា៖ ១. មន្ទីរអប់រំ យុវជន និងកីឡា ចំនួន ២៤ ២. មន្ទីរសាធារណការនិងដឹកជញ្ជូន ចំនួន ១៥ ៣. រដ្ឋបាលថ្នាក់ក្រោមជាតិ ចំនួន ១០ ៤. មន្ទីរសុខាភិបាល ចំនួន ១១ ៥. មន្ទីរកិច្ចការនារី ចំនួន ១០ ៦. មន្ទីរពាណិជ្ជកម្ម ចំនួន ៧ ៧. មន្ទីរសង្គមកិច្ច អតីតយុទ្ធជន និងយុវនីតិសម្បទា ចំនួន ១២ ៨. មូលនិធិជាតិជំនួយសង្គម (ម.ជ.ជ) ចំនួន ៦ ៩. ក្រុមប្រឹក្សាសកម្មភាពជនពិការរាជធានីខេត្ត ( ក.ស.ជ.រ.ខ ) ចំនួន ៨១ ១០. មូលនិធិជនពិការ ចំនួន ៨ ១១. មន្ទីរផែនការ ចំនួន ៧ ១២. មន្ទីរការងារនិងបណ្តុះបណ្តាលវិជ្ជាជីវៈ ចំនួន ៨ ១៣. វិទ្យាស្ថានអប់រំបណ្តុះបណ្តាល បច្ចេកទេសនិងវិជ្ជាជីវៈ ចំនួន ៧ ១៤. មន្ទីរដែនដី នគរូបនីយកម្ម ចំនួន ៧ ១៥. មន្ទីរមុខងារសាធារណៈ ចំនួន ៦ ១៦. កាកបាទក្រហមកម្ពុជា ចំនួន ៨ ១៧. មន្ទីរព័ត៌មាន ( អ.ក.ស.ជ ) ចំនួន ៨ ១៨. មន្ទីរវប្បធម៌ និងវិចិត្រ សិល្បៈ ចំនួន ៦ ១៩. មន្ទីរធម្មការនិងសាសនា ចំនួន ៦ សូចនាកររួមគ្រប់វិស័យមាន៖ ក. ជនមានពិការភាពថ្មីចូលបម្រើការរក្នុងស្ថាប័នរបស់ខ្លួនប្រចាំឆ្នាំ (គ្រប់អង្គភាព ស្ថាប័ន) ខ. ទំហំកញ្ចប់ថវិកាប្រចាំឆ្នាំដែលបានគ្រោងសម្រាប់បរិយាបន្នពិការភាព (គ្រប់អង្គភាព ស្ថាប័ន) គ. ទំហំកញ្ចប់ថវិកាដែលបានចំណាយជាក់ស្តែងប្រចាំឆ្នាំសម្រាប់បរិយាបន្នពិការភាព (គ្រប់អង្គភាព ស្ថាប័ន)៕
