កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជាមួយក្រុមការងារសកម្មភាពជនពិការគណៈកម្មាធិការជាតិរៀបចំការបោះឆ្នោត

កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជាមួយក្រុមការងារសកម្មភាពជនពិការគណៈកម្មាធិការជាតិរៀបចំការបោះឆ្នោត

ទីស្តីការគណៈកម្មាធិការជាតិរៀបការបោះឆ្នោត៖ ថ្ងៃព្រហស្បតិ៍ទី ២ខែតុលាឆ្នាំ២០២៥ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្តម វ័ន កុយអគ្គលេខាធិការរងនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ បានអញ្ជើញជាគណៈអធិបតីក្នុងកិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការគណៈកម្មាធិការជាតិរៀបចំការបោះឆ្នោត។

កិច្ចប្រជុំនេះមានការចូលរួមពីសំណាក់ ឯកឧត្តម ម៉ុក ដារ៉ា អគ្គលេខាធិការរងគណៈកម្មាធិការជាតិរៀបចំការបោះឆ្នោតនិងជាប្រធានក្រុមការងារសកម្មភាពជនពិការ លោក ហុក លី​ ប្រធានផ្នែកសិទ្ធិពិការភាពនៃ អ.ក.ស.ជ. លោក លោកស្រី សមាជិក សមាជិកាក្រុមការងារ មន្ត្រីជំនាញនៃអ.ក.ស.ជ. និងតំណាងកម្មវិធីអភិវឌ្ឍន៍សហប្រជាតិ (UNDP) សរុបចំនួន ១៤នាក់ (ស្រី ៣នាក់ មានពិការភាព ៣នាក់ ស្រី ១នាក់) ក្នុងនោះឯកឧត្តម សោម សូរីដា សមាជិក គ​.ជ.ប បានអញ្ជើញជាអធិបតីក្នុងពិធីបិទកិច្ចប្រជុំផ្សព្វផ្សាយ «ផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨» ដល់សមាជិក សមាជិកាក្រុមការងារសកម្មភាពជនពិការនៃ គ.ជ.ប ។