ភាសាខ្មែរ
English
សិក្ខាសាលាផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងព័ត៌មាន
ចុះផ្សាយ: ថ្ងៃទី14 ខែ10 ឆ្នាំ2025
សិក្ខាសាលាផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងព័ត៌មាន ទីស្តីការក្រសួងព័ត៌មាន៖ ថ្ងៃអង្គារ៍ ៧រោច ខែអស្សុជ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៤ ខែតុលា ឆ្នាំ២០២៥ ឯកឧត្តម វ័ន កុយ អគ្គលេខាធិការរង តំណាង ឯកឧត្តម អ៊ុង សម្បត្តិ អគ្គលេខាធិការ និងជាសមាជិកអចិន្រ្តៃយ៍ក្រុមប្រឹក្សាសកម្មភាពជនពិការ បានអញ្ជើញជាគណៈអធិបតីក្នុងសិក្ខាសាលាផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនសមាជិក សមាជិកា ក្រុមការងារសកម្មភាពជនពិការក្រសួងព័ត៌មាន ក្រោមអធិបតីភាព ឯកឧត្តម នេត្រ ភត្រ្តា រដ្ឋមន្ត្រីក្រសួងព័ត៌មាន តាមរយៈការគាំទ្រពីកម្មវិធីអភិវឌ្ឍន៍សហប្រជាជាតិ (UNDP)។ ពិធីនេះ មានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំ ក្រសួងព័ត៌មាន ឯកឧត្តម គាម ម៉ារិទ្ធីយ៉ា អនុរដ្ឋលេខាធិការ និងជាប្រធានក្រុមការងារសកម្មភាពជនពិការក្រសួងសារព័ត៌មាន លោក ហុក លី ប្រធានផ្នែកសិទ្ធិជនពិការ លោក លោកស្រីជាអនុប្រធាន សមាជិក សមាជិកា ក្រុមការងារសកម្មភាពជនពិការក្រសួងព័ត៌មាន និងអ្នកពាក់ព័ន្ធ សរុបចំនួន ១៨២នាក់ (ស្រី ៣៥នាក់ ជនមានពិការភាព ៥នាក់ ស្រី ១នាក់)។
