ចុះផ្សាយ: ថ្ងៃទី06 ខែ08 ឆ្នាំ2015

អគ្គលេខាធិការក្រុមប្រឹក្សាសកម្មភាពជនពិការ ឯកឧត្តម ឯម ច័ន្ទមករា បានលើកឡើងថា ក្រសួងសង្គមកិច្ច អតីតយុទ្ធជន និងយុវនីតិសម្បទា នឹងផ្តល់កន្លែងស្នាក់និងនិងឧបត្ថម្ភរបបអាហារ សម្រាប់ជនពិការ ដែលគ្មានទីពឹង ដែលស្ម័គ្រចិត្តមករស់នៅក្នុង មជ្ឈមណ្ឌលរបស់រដ្ឋក្នុងប្រទេសកម្ពុជា។

ចុះផ្សាយ: ថ្ងៃទី03 ខែ08 ឆ្នាំ2015

ឯកឧត្តម ឯម ច័ន្តមករា អគ្គលេខាធិការវ័យក្មេង នៃអគ្គលេខាធិការដ្ឋានក្រុមប្រឹក្សា សកម្មភាពជនពិការកម្ពុជា បានទទូចឲ្យភាគីពាក់ព័ន្ធនៅគ្រប់មជ្ឈដ្ឋានទាំងអស់ យកចិត្តទុកដាក់ទៅការងារពិការភាព ដើម្បីនាំមកនូវឧត្តមប្រយោជន៍ សម្រាប់ជនពិការនៅកម្ពុជា ដែលជាង ៣០ម៉ឺននាក់។

ចុះផ្សាយ: ថ្ងៃទី29 ខែ07 ឆ្នាំ2015

អគ្គលេខាធិការក្រុមប្រឹក្សា សកម្មភាពជនពិការ ឯកឧត្តម ឯម ច័ន្ទមករា ដោយគោរពតាមការចង្អុលបង្ហាញពីឯកឧត្តម វង សូត ប្រធានក្រុមប្រឹក្សាសកម្មភាពជនពិការនោះ បានស្នើឲ្យសាលាខេត្តសៀមរាប រឹតបន្តឹង និងបង្កើនការសាងសង់ ជម្រាលសម្រាប់ជនពិការ នៅតាមទីសាធារណៈសំខាន់ៗ និងនៅតាមមន្ទីរ ស្ថាប័នរបស់រដ្ឋនានា ដើម្បីបង្កលក្ខណៈងាយស្រួល ដល់ជនពិការ ពេលទៅស្វែងរកសេវាផ្សេងៗ។

ចុះផ្សាយ: ថ្ងៃទី23 ខែ07 ឆ្នាំ2015

កញ្ញា សយ ស្រីអូន អាយុ២៣ឆ្នាំ តួនាទីប្រធានមណ្ឌលអង្គការផ្ទះក្មេងៗរបស់កម្ពុជា រួមនិងប្រុសស្នេហ៍ឈ្មោះ ស្រស់ អ៊ុង អាយុ២៤ឆ្នាំ រងការចោទប្រកាន់ថា មានរំលោភបំពានលើផ្លូវកាយ វាយដំធ្វើបាបកុមារពិការ រួមទាំងរួមភេទជាមួយនិងសង្សារ ឲ្យកុមារទាំងអស់នៅក្នុងមណ្ឌលមើល នេះបើយោងតាមលិខិតជាផ្លូវការមួយ របស់លោកស្រី Chloe Flanagan ជាអ្នកផ្តល់ជំនួយតែម្នាក់គត់ ឲ្យមណ្ឌលអង្គការផ្ទះក្មេងៗរបស់កម្ពុជា ផ្ញើជូនប្រធានមនី្ទរសង្គមកិច្ច អតីតយុទ្ធជន និងយុវនីតិសម្បទា រាជធានីភ្នំពេញ។ អង្គការ «ផ្ទះរបស់ក្មេងៗកម្ពុជា» មានទីតាំងផ្ទះលេខ៤៣៩ ផ្លូវ៣៥៨ ក្រុមទី១ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។

ចុះផ្សាយ: ថ្ងៃទី19 ខែ07 ឆ្នាំ2015

ក្នុងនាមឯកឧត្តម វង សូត រដ្ឋមន្ត្រីក្រសួង សង្គមកិច្ច អតីតយុទ្ធជន និងយុវនីតិសម្បទា ឯកឧត្តម ឯម ច័ន្ទមករា អគ្គលេខាធិការ សកម្មភាពជនពិការ បានមកចូលរួមក្នុងពិធី «ប្រគុំតន្ត្រី សប្បុរសធម៌លើកទី៣ ដើម្បីជនពិការ និងកុមារកំព្រា» ដែលរៀបចំឡើង ដោយក្លឹបសិល្បៈនិង ផ្ទាំងទស្សនីយភាពមេគង្គ នៅថ្ងៃទី១៨ ខែកក្កដា ឆ្នាំ២០១៥ ដែលនេះការឆ្លុះបញ្ចាំងឱ្យឃើញអំពីសមត្ថភាពរបស់បងប្អូន ជនពិការ និងកុមារកំព្រា ជាមួយនឹងការចូលរួមសម្តែងពីសំណាក់និសិត្សជាច្រើន នៃសាកលវិទ្យាល័យផងដែរ។